الرئيسية » » قصة عمري | صبري شومان

قصة عمري | صبري شومان

Written By Unknown on الأربعاء، 1 أكتوبر 2014 | 12:13 م



قصة عمري


جت هدية من السما
بنت آية انما
فيها سحر الله عليها


ربنا يحمي العيون
غصن الزتون
شافها اتعذر
اصلها رقة شجر
يابشر

انسانة من صنع الاله
فيها كل سيرة الحب ومنتهاه
ليها همسة صعب يوصفها الكلام
علطول بنام

لو تقول بحبك انا
يادي السرور يادي الهنا
لما دي تقولي بحبك انا
وبصراحة كتير عليا حبها

مهي اصلها من قصر عالي
بنت ذوق زي نجمة فالعلالي
والله انا ماكان في احتمالي
ولا فخيالي

انها تقولي بحبك ياسمراني
ورمشك نداني
حتى او تقول انك حبيبي
وان نظرة منك شكل تاني

الله عليكي ياحب عمري وفرحتي
يا عشق عمري ودنيتي

وانا لجل خاطرك مهجتي

تفدي الحنان اللي في عيونك
ربنا ياغالية يصونك
يا حبيبتي 
عالبعاد الله في عوني
ويصبرك ويكون في عونك

اوعي يوم تاخدك ظنونك اني ساهي 
واني ناسي نظرتك يشهد الهي
و اني بحبك حب غالي
مانتي عارفة امر الحب
ياحبيبتي وحكمه ناهي

يا وفا يا حضن مليان بالدفا
يا بلسم وريدي يابحر الشفا

اذكريني وقت صوت الاذان
وادعي وانا زيك كمان

ياحبيبتي اللي بينا 
شيء صعب يحكيه الكلام
حتى لو ينكتب مليون ديوان



التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.