مرة غلطت
لما مرة غلطت وانا بنده عليكي
باسم تاني لفت الدنيا بكياني
،
التقيت موجة ذنوب للجحيم واخداني
والتقيتني شخص مذنب شخص تاني
،
والسما داكن سوادها وزاد لهيبي
وطال جناني والألم زاد واحتواني
،
النهاردة الساقية دارت واحتبس صوتي في لساني
واكتشفت أني بصراحة واد أناني
،
انتي ايه حبيتي فيا صوتي
ولا ملامحي ولا اشعاري وحناني
،
هو حبك ليا ايه اتكلمي أصلا حقيقة
ولا انا موهوم ومش وقتي وأواني
،
الف لغز والف حالة بمر بيها
اتكلمي هو حبك كان أغاني
،
نفسي أصرخ في المداين
نفسي ارحل من مكاني ومن زماني
،
هو ليه الموت معاند ليه ناسيني
وليه سايبني معاك بعاني
،
يلعن الحب وسنينه يتحرق مره وانينه
هو وجع القلب دا مخلوق عشاني
،
نفسي ابعد عن عيون الناس جميعا
في الصحاري او حتى على شطوط المواني
،
دنيا وهم وعيشة وهم وكله وهم
بنار فؤادي هواك كاواني
