الرئيسية » » سكات | صبري شومان

سكات | صبري شومان

Written By Unknown on الثلاثاء، 11 نوفمبر 2014 | 1:58 م



سكات


القلم مبقاش في طوعي 
والآنين ساكن ضلوعي 
والنداء اصبح سكات


والمرار شطي وقلوعي 
ونن عيني كره دموعي 
والأمان من خوفه مات

ياوطن اكتب رجوعي 
كنا واحد ليه وصلنالسكة سد 
والصفا بقى ماضي فات

يلعن الفرقة وابوها 
حزب خربحزب جرب 
والحصيلة بقت شتات

فينا سلفي وفينا شيعي 
فينا عقل صبح شيوعي 
فين تاريخ الاهرامات

فينا ناس تحت الكباري 
فينا ناس تلعب اتاري
وناس عشاها يناس آهات

فينا ام ضناها راح 
فينا ناس كاتمة الجراح
فينا ناس مش لاقية تاكل في الحارات

الميزان اصله العدالة
والخسيس طبعه الندالة 
فينا فقرا وفينا قال اولاد زوات

فينا ناس عايزة العمار 
فينا ناس غاوية الدمار 
اصحي يابني العدو قالها م النيل للفرات

وانت نايم 
حتى انا واللهي نايم 
طب هنصحي لما يوم فجأة نلاقيها بتنضرب بالطيارات

عقلي صاب عقله الجنون 
والجسد طلبالسكون 
واللي نصحى عليه نبات

خوفي يوم نصبح عبيد منلاقيش اللقمة حاف
ويمر بينا سنين عجاف 
ياريت نفوق قبل الفوات

عايز ابكي بس ايه فايدة بكايا 
كلنا تحت الرحايا 
والسياسة اصبحت ساقطة بصاجات

اه يابلدي انا نفسي اصرخ في السما
واكتب وفاتي للأسف 
التاريخ بقى ذكريات


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.