الرئيسية » » فاض الكيل | صبري شومان

فاض الكيل | صبري شومان

Written By Unknown on السبت، 25 أكتوبر 2014 | 12:13 م



فاض الكيل


خرجت احميكي سال دمي
ودموع امي عليا تسيل

وقفت على الطريق في البرد
وتَمني يابلدي فيكي قليل

انا مفهمش في سياسة
انا على قدي واد فلاح
اكلني البرد طول الليل

وكان حلمي اخلص جيشي واتجوز
واقول لابني احمي بلد النيل

لكن يخسارة مات الحلم
فثواني بقيت أشلاء
ودمعك يما في المنديل

وتجار دين عشان كرسي
وعشان سلطة
باعوا الارض بالتهليل

وقالوا عليها شرعية
شوارعية بلا مذهب
بلا عقيدة ما ليها خليل

ياريس حقي اتكلم
واقول ارحمنا واعدمهم
لازم في القانون تعديل

محكماتهم بتتأجل
وتتسكع وتتحلل
كفايا وربنا التأجيل

اه من جوة شرياني
واه في القلب وجعاني
ومين حاسس بشاب هزيل

انا الجندي اللي راح ببلاش
انا الحلم اللي مستناش
رحل بدري عليه من الورد ١٠٠ إكليل

بزمتكم ياناس دا حلال
اكون ذكرى وحديث يتقال
ترابك يابلدنا بخيل

رقابة في عصور حجرية
أقف عندك
ويجي الصبح بتبدل مع زميلك
الفين لعنة عالتبديل

روتين من عصر أجدادي
سنح الفرصة لأعادي
بدون تفعيل

وقالك ايه
هنا رقابة هنا نقابة
مايعرفش ان في ديابة
وكلاب لها ديل

بتقتل حلم فيه فرحة
طيور جارحة
لا تعرف دين
خلاص ياحكومة فاض الكيل

بكل جرأة مش خايف
ياحكومتنا قرار الحزم في ايديكي
يكون إعدام لكل عميل

١٠٠ مليون ويجي اكتر
ايه يعني العدد يصغر
بيكفينا نكون ٥٠
مافيش فينا ياخلق عويل



التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.