اطمني ،،،
اطمني واعرفي مستحيل قلبي لغيرك راح يميل
حبي ليكي صورة واضحة فيها يجيي مليون دليل
حب ساكن في العروق بيشبة نغم رقيق جميل
حب عالي مالوش حدود زي نسمة في حضن ليل
حب زرعة للمطر عشاق للقمر في ليل طويل
حب ام لإبنها تفرح لفرحه تبكي وقت مايكون عليل
حب عطشان للهوى وانتي الدوا والسلسبيل
حب تايه في زمانه زاد هوانه والتقى دليل السبيل
حب تايب عن معاصي دايما ينادي لربنا انا الذليل
اغفرلي يارب القلوب المعاصي والذنوب انت الجليل
ياحبيبتي حبي ليكي جوة قلبي لو بعدنا الف ميل
انا في الغرام عاشق ودايب اصل انا من بيت اصيل
ليه اخون اجمل عيون ليه اكون خاين وللشيطان عميل
متخافيش اطمني حبك سكنني والتخلي شيء مستحيل
بكرة قصة حبنا يدرسوها في المدارس جيل بعد جيل
يعني ايه عنتر وعبلة قيس وليلى ماحبنا كمان مش قليل
الغرام اصله الامان والحنان والخيانة والخداع طبع العويل
اطمني ياحب عمري دمي يفديكي لو كان في الكون يسيل
